MuraliMohan : అతడు రీ-రిలీజ్: మురళీమోహన్ ఆసక్తికర వ్యాఖ్యలు:2005లో మహేశ్ బాబు (Mahesh Babu), త్రివిక్రమ్ శ్రీనివాస్ (Trivikram Srinivas) కాంబినేషన్లో వచ్చిన బ్లాక్బస్టర్ చిత్రం ‘అతడు’. జయభేరి ఆర్ట్స్ బ్యానర్పై ప్రముఖ నటుడు మురళీమోహన్ (Murali Mohan) నిర్మించిన ఈ సినిమా ఇప్పుడు రీ-రిలీజ్ ట్రెండ్లో భాగంగా ఆగస్టు 9న మరోసారి ప్రేక్షకుల ముందుకు రానుంది.
మురళీమోహన్ ఆసక్తికర వ్యాఖ్యలు
2005లో మహేశ్ బాబు (Mahesh Babu), త్రివిక్రమ్ శ్రీనివాస్ (Trivikram Srinivas) కాంబినేషన్లో వచ్చిన బ్లాక్బస్టర్ చిత్రం ‘అతడు’. జయభేరి ఆర్ట్స్ బ్యానర్పై ప్రముఖ నటుడు మురళీమోహన్ (Murali Mohan) నిర్మించిన ఈ సినిమా ఇప్పుడు రీ-రిలీజ్ ట్రెండ్లో భాగంగా ఆగస్టు 9న మరోసారి ప్రేక్షకుల ముందుకు రానుంది. ఈ సందర్భంగా మురళీమోహన్ మీడియాతో మాట్లాడుతూ పలు ఆసక్తికర విషయాలను పంచుకున్నారు.
అతడు సినిమాలో ఎందుకు నటించలేదు?
అతడు చిత్రంలో ఎందుకు నటించలేదని మీడియా ప్రతినిధులు ప్రశ్నించగా, తన భార్య విధించిన షరతు కారణంగానే తాను ఆ సినిమాలో కనిపించలేదని మురళీమోహన్ వెల్లడించారు. “అతడు సినిమాలో నాకు పాత్ర ఇవ్వలేదు. నేను సినిమా రంగంలోకి రావాలని అనుకున్న కొత్తలో నా భార్య ఒక షరతు పెట్టింది. నేను ఎవరినీ వెళ్లి పాత్ర అడగకూడదు అని స్పష్టం చేసింది.
నా సినీ కెరీర్ మొత్తంలో నా దగ్గరికి వచ్చిన పాత్రలనే చేశాను. ఇప్పటికీ అదే నియమాన్ని పాటిస్తున్నాను. అందుకే అతడు చిత్రంలో నేను నటించలేదు” అని ఆయన వివరించారు. మహేశ్ బాబు, త్రివిక్రమ్ శ్రీనివాస్ ఒప్పుకుంటే ‘అతడు’ చిత్రానికి సీక్వెల్ తీయడానికి తాను సిద్ధంగా ఉన్నానని మురళీమోహన్ తెలిపారు. అయితే, ఆ సినిమాను మహేశ్ బాబు, త్రివిక్రమ్లతో మాత్రమే తీస్తానని, వేరే వాళ్లతో అయితే తీయనని ఆయన స్పష్టం చేశారు.
Read also:AjitPawar : ఐటీ పార్కు తరలింపు వివాదం: అజిత్ పవార్, సర్పంచ్ మధ్య వాగ్వాదం
